نوکر تنبل
خه گوره پیر خه نوکر هیتواله...رابه تنبل ییله..خه یومه میره باقه
نوکرف قوو صلوخ وریه خزه نخله نخل یا لا؟؟؟
نوکر هیه قاله کمر ارباب گیانی ساقوخ تمه هیزنه وریه ..قاتووکه
اته هیه لوعا من وریه..ایله مشیپ رشه خاسف اگر طلیلتیه خو
نخله ...اگر خاسف ویشای خو نخله لا نخل...
گوره که میری سه خه که په مه باقی خه منیه وزنف هوه...
نوکر میره قربان که په باقه ما ؟ آنه ای قاتو وزنف ویلی خه منیه
تمام طقله. متوله گه مثاله خه به انه نوشوخ.تمه باقه حجیی اخه
ال دیدی مه قیمه ت ...
گوره میری ای نوکر سه خه صیوه مه باقی پیلگه گازه یریخولف
هوه..نوکر میری قربان صیوه باقه میوخ دوچکه قاتووکه پیلگه
گازه ی آنه اندازه ف دوقلی..اگر گبه ت به دوچکه قاتووکه انازه
دوق..
گوره میره ای نوکر خشکه خیر شراته مه ملقخ ..نوکر میره قربان
ایله من دیدی گروش خوچ تخی له عیفوخ خه تره سعاته خت یومه
خه رو........
هیچ نظری موجود نیست:
ارسال یک نظر